მიიღე კომპენსაცია გადადებული და გაუქმებული ფრენისთვის

ფრენა გადაგედოთ? რეისმა დაიგვიანა ან საერთოდ გაუქმდა? მიიღეთ 600€-მდე კომპენსაცია ავიაკომპანიისგან

თუ ფრენა გადაგედოს ან გაუქმდა, ალბათ აუცილებლად გეცნობათ შემხვედრი პრობლემებიც: კიდევ ერთი დაგვიანება მომდევნო ტრანზიტულ რეისზე, ტყუილად გადახდილი ფული სასტუმროში, ნერვები და დრო, რომელსაც წესით დასასვენებლად უნდა იყენებდეთ…

ევროკავშირის რეგულაციების მიხედვით, თქვენ ამ პრობლემებისთვის კომპენსაციის მიღების უფლება გაქვთ (თუ თქვენი რეისი ევროკავშირში სრულდებოდა, ანუ ჩაფრენის ან გამოფრენის ტერიტორია ევროკავშირში მდებარეობს).  Continue reading “მიიღე კომპენსაცია გადადებული და გაუქმებული ფრენისთვის”

ბარსელონა ტურისტების რაოდენობის შემცირებას ცდილობს!

მიუხედავად იმისა, რომ ბარსელონას ეკონომიკისთვის ტურიზმი ძალიან მნიშვნელოვანი ნაწილია, ქალაქის ხელისუფლება და მოსახლეობა ცდილობს, რომ ტურისტების რაოდენობა შემცირდეს.
 
სულ ცოტა ხნის წინ ქალაქის ცენტრში სასტუმროების გახსნა შეზღუდეს და აკრძალეს. ამჟამად კი განიხილავენ ტურიზმის მართვის გეგმას 2020″, რომლის მიხედვითაც: Continue reading “ბარსელონა ტურისტების რაოდენობის შემცირებას ცდილობს!”

Tax-Free შოპინგი მოგზაურობისას

ევროკავშირში აუცილებლად შეხვდებით მაღაზიებს, სადაც დიდი სიამაყით არის გამოკრული წარწერა Tax-Free Shopping – გადასახადისაგან თავისუფალი ვაჭრობა.
გერმანიასა და ბარსელონაში შევნიშნე, რომ უზარმაზარი რიგები იდგა ყოველთვის სალაროსთან, რომელიც tax free საქონელის შესყიდვას აფორმებდა. მე ქვემოთ მოყვანილი პროცედურების გავლა ცოტა დამეზარა, თუმცა თუ შოპინგის აქტიური მოყვარული ხართ, გირჩევთ ეს პოსტი ბოლომდე ჩაიკითხოთ, რჩევები გაითვალისწინოთ და დღგ უკან დაიბრუნოთ.

იცოდით, რომ შოპინგში დახარჯული თანხის 15-25%-ის დაბრუნებაა შესაძლებელი? არც ისე ცოტაა, ხომ?

Tax Free შოპინგი გულისხმობს უცხო ქვეყნის მოქალაქეთა მიერ შეძენილ საქონელზე გადახდილი დღგ-ს (დამატებული ღირებულების გადასახადის) თანხის დაბრუნებას.

Continue reading “Tax-Free შოპინგი მოგზაურობისას”

მანქანის დაქირავება – ესტონეთში, ლატვიაში, ფინეთში მოგზაურობისას

მანქანის დაქირავება კარგი საშუალებაა სამოგზაურო ხარჯების შესამცირებლად, როცა დასაფარი მანძილი საკმაოდ დიდია, შესაძლოა რამდენიმე ქვეყანასაც მოიცავდეს და თან საზოგადოებრივი ტრანსპორტისთვის არც თუ ისე ადვილად ხელმისაწვდომი ადგილის მონახულებას აპირებთ.

ჩვენ საკუთარი მანქანა არ გვყავს. მიზეზი ისაა, რომ ქალაქი, სადაც ვცხოვრობთ (ტალინი) პატარაა, შიდა საზოგადოებრივი ტრანსპორტი კი სრულიად უფასო (მხოლოდ ტალინში მუდმივად მცხოვრებთათვის). თუმცა, ქალაქგარეთ, ვიქენდზე გასვლისას, მანქანა ისეთივე საჭირო ხდება, როგორც კომფორტული ფეხსაცმელი ან მსუბუქი ზურგჩანთაა.

თუ რატომღაც ამ რომელიმე ქვეყანაში მოგზაურობას გადაწყვეტთ: ესტონეთი, ფინეთი ან ლატვია, მანქანის დაქირავებაში ჩვენი გამოცდილება დაგეხმარებათ. ავტოლევი მანქანების გაქირავების ვებსაიტია, სადაც ჯერჯერობით მხოლოდ ზემოთ ჩამოთვლილი ქვეყნებიდან არიან კერძო პირები დარეგისტირებულნი და მომხმარებლებს მინიმალურ ფასად სთავაზობენ საკუთარ ავტომობილებს. Continue reading “მანქანის დაქირავება – ესტონეთში, ლატვიაში, ფინეთში მოგზაურობისას”

სურათი

ინსტაგრამი #გზაში

ბლოგზე წერას ისეთი ინტენსივობით ვერ ვახერხებთ, როგორც საჭიროა ან მინდა, თუმცა საკმაოდ აქტიურად ვიყენებ ბლოგის ინსტაგრამს. მოგზაურობისას გადაღებული ფოტოები აუცილებლად ხვდება ჩვენს ინსტაგრამზე #გზაში

ინსტაგრამზე განთავსებული ფოტოების სრული უმრავლესობა ჩვენს მიერაა გადაღებული სხვადასხვა მოგზაურობებისას.

ბოდიალის დროს ძნელია გამოყო დრო ბლოგზე დასაპოსტად. ასეთ დროს ყველაზე ხშირად გზაში-ს Facebook გვერდსა და ინსტაგრამზე პოსტვა მიადვილდება. მარტივია, გადაღებული ფოტო ატვირთო და ამბავი რამდენიმე წუთში მოყვე. ვიდრე შემოხვიდე საიტზე, დააწყო აზრები, შეარჩიო ფოტოები და სიტყვები და საბოლოოდ გამოაქვეყნო ესა თუ ის ისტორია. Continue reading “ინსტაგრამი #გზაში”

გალერეა

სანტა კლაუსი მსოფლიოს 15 ქვეყნიდან: როგორ გამოიყურება და რა ჰქვია ახალი წლის მუდმივ თანამგზავრს?

მსოფლიოს ყველა ქვეყანაში სანტა კლაუსი (ან თოვლის ბაბუა ჩვენებურად) ახალი წლის განუყრელი ასოციაციაა.  მათთან დაკავშირებული ისტორიებიც ყველა ქვეყანაში სხვადასხვაა.

ზოგან თოვლის ბაბუა კეთილი სანტა კლაუსია, რომელიც ბავშვებს შოკოლადებს და საჩუქრებს ურიგებს, ზოგან კი სანტას არსებობის ისტორია ბოროტ სულებს უკავშირდება, რომელიც დარიგების ნაცვლად, ბავშვებს საჩუქრებს ართმევდა 😀 (ფინეთი). თუმცა უმეტეს ქვეყანაში შობა-ახალი წლის აიქონმა ტრანსფორმაცია განიცადა, ზოგან ქრისტიანული ზეგავლენით წმინდა ნიკოლოზს დაემსგავსა და დღესდღეობით ისტორიულისგან განსხვავებული სახე აქვთ.

ქვემოთ მოცემულია როგორ გამოიყურება დღესდღეობით სანტა კლაუსი მსოფლიოს 15 ქვეყნებში. მათ შორის ფინეთში, შვედეთში, ესტონეთში, დიდ ბრიტანეთში, სომხეთში, მონღოლეთში, იტალიაში, ამერიკაში, ბელორუსიაში, რუსეთში, ჩინეთში, ჰოლანდიასა და საქართველოში. 🙂

(more…)

ჯირონა – ესპანური ზაფხული, ლანისტერები და სატახტოთა თამაშები

ჯირონა და ფიგუერესი ესპანეთში, ბარსელონასთან ახლოს, კოსტა-ბრავაში მდებარე ორი ქალაქია, რომლებსაც ამ ზაფხულს ვესტუმრეთ. ორივე ძალიან ლამაზი და must see ქალაქებია, ამიტომ მათ შესახებ ცალ-ცალკე პოსტებში მოგიყვებით. ამ პოსტში ჯერ მხოლოდ ჯირონას შესახებ მოგითხრობთ. Continue reading “ჯირონა – ესპანური ზაფხული, ლანისტერები და სატახტოთა თამაშები”

7 უფასო და ძალზედ გამოსადეგი აპლიკაცია მოგზაურებისთვის

რამდენიმე თვის წინ მოგზაურობისთვის გამოსადეგი და საჭირო აპლიკაციების სია შემოგთავაზეთ. გაგაცანით ისეთი საბაზისო საიტები და უფასო აპლიკაციები, როგორიცაა skyscanner, Airbnb… სიაში შეხვდებოდით კემპერებისთვის ან ავტომობილით მოგზაურთათვის საჭირო აპებს, ან ისეთი გასართობსა და უცენზუროებს, როგორიც სვეარპორტია და უამრავ ენაზე გინებებს მოიცავს 😀

გადავწყვიტე სია გამემდიდრებინა და რამდენიმე საჭირო და უფასო აპლიკაცია შეგმატეთ:

Continue reading “7 უფასო და ძალზედ გამოსადეგი აპლიკაცია მოგზაურებისთვის”

სურათი

ქუჩის მოვაჭრეები ვიეტნამში – 10 ფოტო

ფოტოგრაფი ვიეტნამში ქუჩის მოვაჭრეებს უღებდა ყოველდღე ხიდიდან.

ქალებს ხილით, ბოსტნეულით და ყვავილებით სავსე კალათები ველოსიპედებზე აქვთ აკიდებული და ასე გადიან დილის 4 საათიდან ათეულობით კილომეტრს.

Continue reading “ქუჩის მოვაჭრეები ვიეტნამში – 10 ფოტო”

გალერეა

20 ფოტო მსოფლიოს 10 სხვადასხვა წერტილიდან, რომელიც გიჩვენებთ განსხვავებას პროფესიონალი ფოტოგრაფების და მოყვარულების მიერ გადაღებულ ფოტოებს შორის

მოგზაურობისას ყველანი ვიღებთ ფოტოებს. საჯაროდ გამოვფენთ ან ჩვენთვის ვინახავთ მოგონებებისთვის. ჩვენს მიერ გადაღებული თითოეული ფოტო ძვირფასია, თუმცა, ყოველთვის აღმოჩნდება ვინმე, ვინც ჩვენზე უკეთ გადაიღებს რომელიმე ღირსშესანიშნაობას. 😀

ქვემოთ მოცემულია 20 ფოტო, მსოფლიოს 10 წერტილიდან, რომლებიც ნათლად დაგანახებთ სხვაობას პროფესიონალი ფოტოგრაფის და მოყვარულის მიერ გადაღებულ ფოტოებს შორის. (more…)